بياع بطاطه
بولع فرني بالكرتون
وصهده بيشوي وياها
طفوله وحلم كان مركون
وكله يهون
عشان امسكلي كام ملطوش
لو العب يوم واعيش سني
اخاف امي تموت مالجوع
ومش موضوع
طفولة ايه ولعب عيال
مدام شغال
ومش محتاج الي الاندال
خلاص كدا عال
متسالنيش عن الثورة
ولا الحاكم ولا المسؤول
لا قلت يسقط الريس
ولا اتمنيت لحكمه يزول
مهيش فارقه
ومهما تقول
لا هتشوفه بيتثورج ولا يعارض
ولا فارقة مظاهرة مين ارديحي
ومين في مظاهرة دابحة عجول
عشان بتاع البطاطة خلاص
هجر فرنه ومات مقتول
ليست هناك تعليقات:
إرسال تعليق