آه يا بلد

آه يا بلد عيني عليكي
خيرك كتير لكن ما ليكي
مسجين في قلبك ودا من حميكي
واطي وخسيس ندل ابن كلب
سامحيني عشان دا اللي في القلب
سادد ودانه عمره ما سمعنا
ومشمت فينا شرق وغرب
وان قلنا لا علي طول يدور فينا الضرب
إحنا الشيشان وهو بقي أوسخ مالصرب
سرطان بلاكي بيه الإله
خلانا عايشين وكسه وكرب
دستور دا إيه داستور يا سيدنا
عدل وبدل جناب سيادتك اعلنها حرب
ومالطوارئ للإرهاب قلبي لا تحزن
واجب علينا نقوله ايو عشان جنابه يكمل نهب
عسكر وعسكر من غير معسكر
في كل ريف وفي كل بندر
في كل شارع تلاقي مخبر ماشي بتمختر
وأمين معفن عاملي عنتر
لو حد يوم عاند وفكر
هيكون مصيره مصير سليمان يعني هيتقنطر
أه يا بلد كترت قيودك وأمتي بقي راح نتحرر
بقالي سنين مخنوق عشانك ولا حد عبر
وتلقي خيرك يجي الغريب منه يتعطر
وهو خارج يتف علينا كمان ويطرطر
كنتي زمان أم الدنيا دلوقتي عيله بتبربر
خادها الشيطان تحت السلم
وقلبها شيشة وبتكركر
كرخانه صبحت الكل فيها بيعفر
أما ولادك كبير صغير فيكي بيتدمر
وخدها مني عشان تعيش فيها وتتقدر
دبوس حشيش وروح مخضر
غمض عنيك واقفل ودانك ودماغك كبر
ما الجبن فينا وبقينا كمان ليه بنصدر
وانسي حالها ودور قوم علي لقمه حرشه
ما قليل البخت يلاقي العضم في الكرشه

مالك عبد السلام