بقت رنجة

مــصري اصــيـل مـــاشي فــي حــالي ودنــجـه دنــجـه
جـاري في بحثي علي عروسه ان شالله حتي هتبقي زنجا
مــن كتــــر فـقــري بـقـيت خــلاص مــدمــن للـرنـجــه
مـا انا مش ممثل ولا مليونير ولا كنت حتي اشرف كبنجه
وان قلت اطالب بربع حقي الاقي نفسي مضروب بسنجه
وان دمي ساح علي عنيا يـجبولي دكتـور واسمه سرنـجه
والـدم نـازف ولا شـلالات يـقـوم يسـد جـرحي بـسفنـجه

نعمل إيه

لا تحزن لو فاتك قِطار
دي فَركة كعب توصل للعمار
دي كل وسايل النقل في مصر تسبب الوفاه
وحتي القطر معرض للدمار
فإدعي للريس حبيبنا
واحمد ربنا وارضي بقضاه
واتنيل نام في بيتكو
واعتبر انه حصار
هَمك هيجيك لوحده
ما ترحش أنت وراه
وكفايه بس تصحي علي تغير الأسعار
هتنام ومش هتصحي
وتبقي اخدت المعفاة
معفاة من لهو جالنا ومورينا المرار
أما لو كنت حابب تغرق جوه القناة
اقري جرايد الحكومه لو أهرام أو أخبار
لو كنت وكيل وزاره
هتبقي من السُعاه
ألف غريق في مركب
والجاني فجأة طار
في ثانيه زاغ وفلق
ومحدش راح وراه
وحبيبنا حكمنا اللي خاربها
ساكت ومطاطي علي العار
ربك دايما بيمهل لكن عمره ما يهمل
وفي يوم هتجيله ساكته
من غير ما تقدم انزار
لو دامت يوم لغيرك
تبقي تدوملك يا ريس
وبرضو مش هنزعل
هنعيش فيها نقاومك
وكأنك استعمار