"إخواني" الأعزاء حمرة

-----
برغم اللي صابك
ووداك وجابك 
وكل اللي نابك 
شوية فشار .. 
عماك الطمع
واخوك الجدع 
ملوش اعتبار ..
غُلبنا نحذر
نرقع نكسر
بلاش العساكر 
هتقلب مرار .. 
وانت مصمم 
تلعب معاهم
وفرحان بخيبتك 
فاكرها انتصار ..
وخدتو مغري
مُصنع محلي 
وبرده تملي
ما بينا وبينك 
عامل جدار .. 
ولو تبقي تاني 
في ايدك قرار
كما انت هتفضل 
ضميرك دا مُسخة
اناني ابن وسخة 
وحتة حمار

529

خمسمية تسعه وعشرين
المقاصل عالرقاب متجهزين .. 
لموا كل المجرمين ؟؟ 
ولا ناقص هربانين ؟؟ 
فيه مبينهم قناصين ؟؟ 
واللي سرقوا فلوسنا فيهم .. 
واللي عاشوا هجامين .. 
واللي نهبوا المعدمين 
ولا هو شموخه ديما .. 
فوق رقابي الغلبانين ؟؟!!

حمرة وصغيرة

بمنـاسبة الفيديو اللي عرضته لاميس للعربيـة المفخخة اللي وقفت 5 ساعات في شـارع حسن الاكبر ومحدش قالها انتي من جماعه ميـن .. الموقف اللي هحكيه ده حصل في نفس المعاد والمكان معايا بس بفرق 3 سنين كان يوم 24 يناير 2011 كـان عندي شغل في باب الخلق الساعه 11 الصبح وطبعا كـان فيه شحن ودعوات للحشد لثورة يناير وكانت المدرية مشدودة .. المهم وصلت باب الخلق الساعه 11 قعدت ادور علي ركنــة ملقتش وبعد لف ودوران لقيت ركنـة في حسن الاكبر وتقريبا في نفس المكان اللي ظهر في الفيديو المهم خلصت شغلي علي السـاعه 3 ورايح ادور عالعربيـة مفيش عربيــة هي البلد حصل فيها ايه يا جدعان العربية فص ملح وداب .. لقيت محل جنب المكان اللي كنت راكن فيه وقاعد قدامه 2 امناء شرطـة رحت أسألهم .. يا جماعه عربيتي كانت هنا وجيت ملقتهاش .. هو : شكلها ايه ؟؟ قلتله نبيتي قالي : حمرا وصغيرة .. كنت عاوز اقوله دي طيزك اللي حمرة .. بس قلت أليمها .. قلتله هي حمرة وصغيرة ..قالي نمر غربية .. قلتله ايون قالي لا دا مدير الامن كان معدي .. والونش شدها .. اوبا بقي طيب دي اجيبها منين دوقتي ..قالي اطلع علي حجز العربيات في شارع كدا في وسط البلد مش فاكر اسمه بالظبط المهم رحت .. قعدت ادور عالعربية مش لاقيها ..رجعت لامين الشرطة تاني في حسن الاكبر .. اتصل باللاسلكي علي الونش اللي سحبها عرف هو فين وطلعت ادور عالونش في كل شوارع وسط البلد لحد ما لقيته .. قلت للظابط .. والظابط يسأل العسكري وديت العربية دي فين يا ابني يقوله مش فاكر يا باشا .. يا عم افتكر وهنراضيك من هنا لهنا قالك حطيتها قدام مصر للطيران .. سحب العربية من الشارع عشان ما تضايقش سعاة البيه مدير الامن وراح رماها في شارع تاني ما علينا .. المهم رحت الف علي مصر للطيران لحد ما وصلت ادور عالعربية مفيش .. ارجع تاني ادور علي سعاة البيه والونش بتاعه ... لحد ما لقيته ورحت معكم العسكري عشرينايه ..فين يا عم ابوس كلابشات امك العربية .. قالي بص امشي الشارع ده هتلاقيها علي يمينك كدا راكنهالك ركنة تمام تحت شجرة .. اروح القي العربية جنب مصـر للسياحــة وملوصني ابن الحرام من صباح ربنـا علي مصر للطيران .. المهم بقي وصلت للعربيــة الساعه كام 11 بالليل .. ودي كانت من اهم الاسباب اللي دفعتني اني انزل يوم 25 ينـاير عشان احتفل معاهم بالعيد بتاعهم .. يجوا علي الفليشيا الغلبانه بتاعتي ويرموها في الشوارع زي اللي ملهاش اصحاب مهي لو كـانت مفخخة مكنش اتعمل فيها كدا 

الحداد

بس الحداد علي شهيد مات جعان ..
لكن الباشا حداده في دار الدفاع
 اللي بيدخلها بالمجان ..
 او في اي نادي جيش
 ولا نادي للاعيان ..
 اللي زيه مش محتاج حداد ..
قولوا للباشا ابوه ..
 دفعتوا كام رشوة عشان
 يصبح ضناك ظابط جبان ..
روحوا ادفعوله في جيب الكفن ..
يمكن يقابله حد يلاقيله في الجنة مكان

العساكر

يعني ايه كلمة وطن - مع الاعتذار لفؤش

يعني ايه كلمة وطن .. يعني برد .. ولا شرد .. ولا جُنحة وتتسجن ..يعني ايه كلمة وطن.. يعني برد .. ولا شرد .. ولا جُنحة وتتسجن .. ولا ايه ولا ايه ولا ايه .. ضرب وتعزيب في قسم الضاهر يهري قفاك .. ويرحلوك للسيدة وتتناك هناك .. يعني ايه كلمة وطن .. زنزانة فيها يعلقوك علي الجدار .. مفيهاش شمس حتي في النهار .. ويسبوا امك ويسبوا اختك .. حتي العساكر دفعتك يكوك بنـار .. يعني ايه كلمة وطن .. يعني دم يعني موت .. كلاب بتنهش جتتك وعليك تفوت .. واما نسافر والحدود يفصل ما بينها الف ميل .. بنسيب سنين الظلم والهم التقيل .. ولا ايه ولا ايه ولا ايه .. ولا بناخد كل دول .. هزة فرح او غيم هموم واحنا بنحلم بالوصول تخاف لتترحل في يوم وترجع فيها تتسجن .. هو ده معني الوطن

قتل خطأ

حكومة رايحة وحكومة جايه 

والمباحث هي هي .. 

طلقة طايشه تجيب رقبتك . 

وقال دا مات بإدين خفية ..

او يقولو بلع لفافة بنجو جبلي

ولو حشيش بلع وقيــة . 

وهي هي .. 

قاتل وجاني وحكم قاضي 

ب 3 سنين تخلص قضية .. 

وكأنه كان سارق عربيه . 

مع انهم قالو في بلدنا

رسم الجرافتي فيها محاكمة عسكريه .

يلا خربت ...

حلو راسكم وادعوا عليهم دعوة وليــــة .

مالوسخ بفضل وسخ

لا رابسو ينفع ولا الكلور

ولا حتي ينضف بالغليــه

بياع بطاطه

بياع بطاطه 

بولع فرني بالكرتون 

وصهده بيشوي وياها 

طفوله وحلم كان مركون 

وكله يهون 

عشان امسكلي كام ملطوش 

لو العب يوم واعيش سني 

اخاف امي تموت مالجوع 

ومش موضوع 

طفولة ايه ولعب عيال 

مدام شغال 

ومش محتاج الي الاندال

خلاص كدا عال 

متسالنيش عن الثورة 

ولا الحاكم ولا المسؤول 

لا قلت يسقط الريس 

ولا اتمنيت لحكمه يزول 

مهيش فارقه 

ومهما تقول 

لا هتشوفه بيتثورج ولا يعارض 

ولا فارقة مظاهرة مين ارديحي 

ومين في مظاهرة دابحة عجول 

عشان بتاع البطاطة خلاص 

هجر فرنه ومات مقتول 

مبارك الجديد

مبارك علينـا رئيسنـا الجديد ..

 بنهضة سيادته بعنا الحديد ..

وبكانا عالثورة وايه راح يفيد ..

مدام بإختيارنــا صبحنـا عبيد ..

قالولنـا الموارد مع ادين ولادهـا حتما تزيد ..

ولادهــا وقتلهم بفجر وجنون ..

 ومالها اللي سايب واكتر كمان من خزاين قارون ..

 وهرينها سرقه بكل الفنون ..

 وتلقي مواطن سايح في دمه ..

علي رغيف مدعم وحبة زتون ..

لسه مفكر هتنهض بلدنا

 عشان في الحكومة شوية دقون ..

احلم برحتك لحد اما تصحي علي صوت يقولك .. 

هدومك نبيعها يا اكبر زبون .. 

ولا تلاقي نهضـة ولا يحزنون 

الفيزا والكفيل يا ولاد الكلب

امريكي ان كان ولا خليكي

دنماركي ولا بلجيكي 

ميخشش الا بتأشيرة 

وسفارة تذل في انفاسه 

وحرسها يوقفه عالباب

يرجع ويجيب كشف حساب

ولوايح وشروط تعجيز 

وصحيفة الحالة الجنائية

ذلوهم وروهم الويل 

في بلدنا يمشي بدليل 

وتمامه يبقي مع كفيل

ولا تلزمني

انا متنازل عن جنسيتي 

حد ياخدها بربع جنيه 

ولا تلزمني بقشرة بصلة

كنت عملت بأمها ايه

بره وجوة عشانها اتهان 

والمصري بيتف عليه

في الداخليه يلقاك مصري 

يلعن فيك ويسب جدودك 

ولازم تشكر سيدك البيه 

كنت فاكرها بلدنا ولينا 

طلع صاحبها ابو كاب وباريه 

في الخارجية يلقاك مصري 

ينصف خصمك لا ويقوله 

طلع عينه وحط عليه 

لو كان مجني عليك هنا فيها

حقك ضايع مش هتجيبه 

ماشية بتعريض امال ايه

لو هتعافر وتقول لا اشمعنا وليه

يتقالك اتنيل اواسكت 

ومادام عايش هتعوز ايه 

غيرك مات غرقان في المية 

ولا صلينا حتي عليه

لو حابب تتعامل احسن 

خدلك قارب قدف يلا 

ايطاليا فاتحة ابوابها يا بيه 

مرشح فلول ومرشح جبان

مرشح فلول 
ومرشح جبان
بره حسبتنا
الفلول من زمان 
ما بينا وبينه 
سنين امتهان 
ومرشح جبان 
ماللي باعوا الميدن 
قراره مش في ايده
وامره لسيده
اللي سيد قراره 
كانه سرور
كرهت التكبر
كرهت الغرور
كرهت اي مرشد
مباحث ولا عام
كرهت المماطله 
وبيع الكلام
كرهت الشيطان
اللي لابس امام 
وقتل المعارض
ورمي السهام
وبيع دم شهدا
لاوسخ نظام
وبتقولوا نهضة
لا والله حرام
دا يعقل بيض ارانب
ويفقس يمام
او الديب يظغط
فراخ الحمام
لو انت تصدق
فاشرب سيادتك
وشد الحزام

مقال عبد القادر احمد عبد القادر .اخوان اون لاين

عشان الاخوان مسحوا المقال ... للتذكير .. عشان منتساش رأيهم في المرشحين والمخالفين ليهم في الفيكر

يسألني أصحابي من الذي ستنتخبه؟



فأقول لهم: سأجيب عن سؤالكم، ولكن بطريقتي:



مَن الذين لن أنتخبهم؟

من واقع ديني وشريعتي والقيم الإنسانية العالمية السامية أتحدث: (قُلْ إِنَّنِي هَدَانِي رَبِّي إِلَى صِرَاطٍ مُّسْتَقِيمٍ دِينًا قِيَمًا مِّلَّةَ إِبْرَاهِيمَ حَنِيفًا وَمَا كَانَ مِنَ الْمُشْرِكِينَ (161) قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ (162) لاَ شَرِيكَ لَهُ وَبِذَلِكَ أُمِرْتُ وَأَنَاْ أَوَّلُ الْمُسْلِمِينَ (163)) (الأنعام).



لن أنتخب واحدًا من هؤلاء:

1- الفلول: أذناب النظام الساقط... سأكون من المهابيل إذا انتخبت أحد الفلول!



هل أنتخب أحد الفلول ليعيد مأساة مصر في ستين عامًا؟ منذ الاتحاد القومي، ثم الاتحاد الاشتراكي، ثم حزب مصر، ثم الحزب الوطني ولجنة السياسات!!



إذن أحكم على نفسي بالتخلف العقلي، بل بالمشاركة في ضرب الثورة، ومقاومة الإصلاح والتغيير الحسن.



• لن أنتخبك يا فلول، على مذهب المنشد مصطفى محمود!

*** *** ***

2- العساكر: هؤلاء الذين ضيّعوا مصر، ودمروها، ونهبوها منذ قفز العسكر على حكم مصر عام 1952م.



أما العسكر المحترمون فإنهم يعرفون معسكراتهم، بل يعشقونها، رباطًا في الثغور، وجهادًا في سبيل الله، وحراسة للوطن.. هذا فقط واجبهم وتلك مهمتهم، وكفى الله مصر شرور العسكر إذا هجروا معسكراتهم.



• لن أنتخب عسكريًّا لحكم مصر.. فقط أحبه حارسًا لها.

*** *** ***

3- الليبراليون: الفوضويون، أتباع "مكيافيلي"، ومبدأ "الغاية تبرر الوسيلة"، وأتباع شعار "دعه يعمل دعه يمر"!
دعه يعمل ما يروقه وما يريده: خمور أو مخدرات، أو شذوذ أو دعارة، أو احتكار أو صفقات من أي نوع، أو زراعات من أي نوع: خشخاش أو بانجو، أو تجارة في البشر أو بيع للآثار أو أرض الوطن، أو إنشاء مزارع للثعالب، ومزابل للخنازير.



• لن أنتخب ليبراليًّا؛ لأنه فوضوي يريد أن يقنن الفوضى.

*** *** ***

4- العلمانيون "Secularism": الذين لا يعرفون الله، أو يعرفونه أقل من ساكن الكريملين، أو البيت الأبيض، أو الإليزيه، أو باكينجهام.. فلا يقدرونه حق قدره.



هؤلاء الذين يريدون السياسة "قذرة" بعيدًا عن قيم الدين والخُلق: "لا دين في السياسة ولا سياسة في الدين"! هؤلاء كالذين قالوا سابقًا: "لا زكاة في الدولة"، فحاربهم أبو بكر الصديق حتى قطع دابرهم.



الليبراليون والعلمانيون وجهان لعملة واحدة، هؤلاء تسلّطوا على مصر منذ استقبل أجدادهم مع المعلم يعقوب "نابليون بونابرت"، ثم تغلغلوا منذ "محمد علي"، ثم تسلّطوا منذ قفز الضباط الصغار على مقاليد مصر المؤمنة "كنانة الله"، ومن مصر توسعوا شرقًا وغربًا وشمالاً وجنوبًا في البلدان العربية والإسلامية.



• لن أنتخب علمانيًّا؛ لأنه يريد أن يبعدني عن الله ربي وخالقي ورازقي، ورب الكون كله.

*** *** ***

5- اليساريون: بهذا الوصف، وقد يسمون أنفسهم اشتراكيين تمويهًا! (يُخَادِعُونَ اللّهَ وَالَّذِينَ آمَنُوا وَمَا يَخْدَعُونَ إِلاَّ أَنفُسَهُم وَمَا يَشْعُرُونَ (9)) (البقرة).



إنهم الشيوعيون، أتباع ماركس، وإنجلز ولينين، وماوتس تونج، وهنري كوريل مؤسس الحزب الشيوعي المصري "حِدِتّو"، وجيفارا، وفيدل كاسترو في أمريكا اللاتينية...



لا إله لهم!

والحياة مادة!

والدين أفيون الشعوب! تلك حقيقتهم ولا عبرة بأسمائهم في مجتمعاتنا الإسلامية.



هؤلاء فلول الاتحاد السوفيتي الذي سقط منهارًا، فتحول إلى قطع صغيرة مثل أستونيا ولاتفيا وليتوانيا، أو قطع كبيرة مثل روسيا وأرمينيا وجورجيا.



فلول الاتحاد السوفيتي غير المأسوف على انهياره؛ لأنه لم يطعم شعوبه الخبز، فقط الخبز! فماذا عما سوى الخبز؟



• لن أنتخب يساريًّا لأنه "فِل" ماركسي، وإن وصف نفسه بأوصاف تمويهية يسارية أو اشتراكية أو ناصرية!

*** *** ***

6- المنشق عن الصف والجماعة: لأن المنشق يحمل "عدوى" الانشقاق فينقلها إلى من حوله، ولمن بعده.
ولن ننسى الخوارج والشيعة والمعتزلة، ولن ننسى بعد الانشقاقات في الحركات والجمعيات المعاصرة، وما خلفته من آثار محزنة في سطور التاريخ.



• لن أنتخب منشقًا لأنه خطر على نفسه وخطر على غيره.

*** *** ***

لم يبق من صنوف المرشحين إلا...

شخصيات رشحت نفسها، وترشيح النفس عيب نفسي خطير خطير خطير يا ولدي...

فلا نعطي للمرشح نفسه أصواتنا فقهًا لحالته، وتزكيةً لأنفسنا.



أمامنا بعد هؤلاء المستبعدين، أو "المشتاقين" عدد ممن دخلوا أو أدخلوا في العملية الانتخابية؛ لتفتيت الأصوات، أو لممارسة ألاعيب، أو لتحقيق مغانم.



بقي رجل واحد فقط "إنتاج" كبرى الجماعات الإسلامية عالميًّا، وقد رشحه حزب جماعته "التوكيل".



إن الجماعة والحزب هما الضمان لصلاحية هذا المرشح، الأستاذ الدكتور "محمد مرسي" في الحاضر والمستقبل، والله المستعان وهو خير الشاهدين.



• سأنتخب هذا المرشح بضمان المصنع "الجماعة"، والتوكيل "الحزب"، وبضمان المكونات الشخصية لهذا المرشح، ولا أزكيه على الله.



هيا يا أصحابي نقدم هذا المرشح الأستاذ الدكتور محمد مرسي لرئاسة مصر، هيا نجتمع على قلب رجل واحد مثل "رجاء بن حيوة" الذي قدّم الراشد "عمر بن عبد العزيز" فصار في اصطلاح المؤرخين الخليفة الخامس للراشدين الأربعة، ومجدد القرن الأول بعد قرن النبوة.

 — 

يا اسكندرية

اه يا ريت يا اسكندرية 

كنتي كـل الجمهوريــة 

منتخبتيش فردة منهم 

لا الكوتش ولا الهفيـة 

فلاحين ويا الصعايدة 

طلعوا سكة مهلبية 

سابوا واحد مننا وحيرونا 

بين اللي شورة مرشده 

واللي جاي شورة وليـة

دقهلوية وغربوية 

سابو كل البني ادمين 

واخترولنا خروف بليـة 

كان حلواني

كرهت الاغاني
بكلامها المثالي
لا لحن يشدك
ولا في معاني
وتسمع ما تفهم
كأنه ياباني
مديح في الحكومة
ومديح في الحرامي
وناقص تمجد
ولاد الزواني
نسيتوا بسرعه
ركام المباني
وفين اللي غرقوا
وناس في انتظارهم
شهور في المواني
بينسوا الضحايا
كدا في ثواني
بلدنا جميلة
ولو يذكروها
بَكدب عنيا
واصدق وداني
وحتي اما قالوا
اللي شيد وعمر
مكنش مقاول
وكان حلاوني
بصدق وازود
واقول ساب . كنافته
وساب الهريسة
وجاب مسطرينه
وبلط حارتنا
مزايكو وايشاني 

بجامة كستور

فاكر ايام الكستور ..

وطقية شبه الطرطور ..

وبتلبس شبشب زنوبة

وكأنه سنيه محفور ..

مبسوط وكمان بتطرقع بيه..

 وكأنه كرباج حنطور ..

 و كم بجامتك كان منديل

 ووظيفته مسح البربور ..

لو ينطق هيقول اخيــه ..

 اه يا مقرف طب اطفي النور  .. 

ولما تنام تحتك يتشمع ..

وتقوم للحمام بالدور .. 

عملولك.. كارنيه الصحة .. 

وكنت مفكر دا البسبور

طفي النور يا بهية

طفي النور .. طفي النور يا بهيــة

وصل النور جـالنـا بميـة

وفري حبــة يا وليــة

جوزك راقد في فراشه

والعسكر قطعو معاشو سرقوه ولاد الجنية

طفي النور يا بهيـة

جوزك محتاج عمليــة و ماحلتناش النقدية

واوراقو ضاعت يا بهية .. في الشؤون لجتماعية

ولدك متصاب في الثورة .. وعنيه صبحت معمية

طفي النور يا بهيـة خلينا نبقي سواسية

دا اخوانه نطو علي اكتافو ونسيو العيش والحرية


شاركو العسكر وباعونا ....وبلدنا خلوها تكيـة

ايدي النور يا بهيـة وإلعني كل الحرميــة 

ثورة ما تمت

ولقــــد فقـــــدنا ثـــــورة كـــــانت لنــــا

طارت كما فرد الحمام فوق في السما

كــــانت عمــــودا من فــــولاذ وعنــــدما 

وقــــعت بيـــــد العسكــري اضحت كما 

سيــــــــخ مــــــن حديــــد وانتنـــــا ....!

هنا البرلمان

هنا البرلمان هنا البرلمان
خيبتنا اللي بانت في كل اللجان
هنا في المنافق وفي الالعوبان
وواقف يخون نائبنا اللي خان
وفيه الخسيس بقت له السيادة وواخد الامان
هنا في اللي بكدب وعلي اصله بان
وفيه الضلالي اللي ماسك ميزان
هنا دم شهدا علي قلوبكو هان
باعوه الجماعة كانه ماكان
وفي صوت بينده كانه في مالطا وبرفع ادان
ونائب بيقلع هدومه وجايك هيضرب كمان
هنا في اللي كاره شباب الميدان
برغم ان هما اللي فتحو لجنابه ببان اللومان
وهم اللي فكو اساوره وحديده
عشان يجي يلعنا في البرلمان
هنا في اللي نايم وتسمع شخيره كأنه كمان
هنا سوق تجاري دا مش برلمان
ناقص بس تسمع "معايا السجاير معايا اللبان "

بقيت مشهور يابن المحظوظة

تعتبر عمليات تجميل الأنف من أقدم العمليات في عالم التجميل ومن أكثرها انتشارا، حيث تلقى رواجاً كبيراً لا سيما بين النجوم والمشاهير..وأصبحت عملية تجميل الأنف بسيطة جدا، نتيجة التطور والتقدم في عالم الجراحة، استخدام ذبذبات الليزر لتكسير العظم، حيث إن العملية الواحدة لا تستغرق أكثر من 30 دقيقة
(ااه يعني مش محتاجة هجوم مسلح ولا اعتداء ملثمين) 
ومن ضمن المشاهير الذين خضعوا لعمليات تجميل الأنف المغنية اللبنانية فيروز، والممثلة الأمريكية أنجلينا جولي والممثلة الإسبانية سلمى حايك وملك البوب الراحل مايكل جاكسون.توم كروز .اشلي سمبسون وأبو الهول واخيرا نائب حزب النور البلكيمي .. بقيت مشهور يابن المحظوظة 

noscaf

حال الثورة 

 المعني الحقيقي للصداقة

جائزة نوبل وجايزة اوبل 

كبابجي

يا كتاتني بانت لبتـك 
من يوم ما صبحت فوق قعدتك 
 حرمت عليـــا مناقشتك 
ما الجلسة تبقي جلستك
 والكلمة برضو كلمتك 
وكلاب حراسة في خدمتك 
 ولما نزلت دمعتك 
 فاكرني كلت انا كدبتك ؟ 
 طب رد قولي بزمتك ؟
 يفَرق سرور ايه عن حضرتك ؟؟!!
 مرر وبدل واخربها تاني ب(موافقتك) .
مهي عزبة ليك ولمرشدك 
فاكرني تاني هأيدك
مش في انتظار خير دولتك 
 خد حريتك وخد العدالة وخد مزانك  
وغور بأم سحنتك 


malek

عسكر واخوان

عسكر كاذبون ..

ودقون منافقون ..

اخوان معرصون ..

 سلاليف لا يفقهون ..

والشعب المصري نايم

وفاكرهم عادلون ..

 لا فوق من النوم يا ريس ..

 دول بيغمو العيون ..

 وعلينا بيتحدون .. 

ضحكو عليك بالعجلة .. 

وفكوها وبعوها . 

مسبوش حتي الجدون

غلطــة

أمـــر الخيــال عقلي يصــدق الاخــوان

من طمعي في العــدل وحنينــي للحـريــة

قلت ادي صوتي لجماعه باين فيها الاحسان 

مشيـت وراهم مغمض مهو بكرة كله يبان 

وصبحت يا متغطي بالجماعه كما العريان

جمعـــوا الكـــراسي كتير وصارو غالبية

بدأو القصيـــدة كفر عملوا للقاتل تحيـــة 

فاكـــر خيــــالك بديع اتريــة وهم ورزيـة

لاشاطــر طلع شاطــر ولا فيهم صـالح ليا

لجـل المجــالس نسيـوا ان كان ليهم قضية

حتي الشهيد ابنهم باعوا دمـه من غير ديـة 

تحذير خطير من التحرير

كنتاكي ومندسة وقلة

ومعاهم بفرة وكرتلة

وصوابع وايادي خارجية 

بتوزع كانزات استلا 

وسلاح وزخيرة وملتوف 

وسنج ومطاوي بمنفلة 

كائنات فضائية وطرازان

وسوبر مان ومعاه جودزلا 

كل ده في شريط الاخبار 

في الفضائية والفرعين 

اللي شعارهم قرصين جلة 

انا عن نفسي مكلتش منهم

ونازل يوم 25 

واللي هياكل منهم تاني 

مقدرش اقول غير انه جبلة

اسفين يا جركن البنزين

يا ثورة ما احناش سعدنين
يا جيش جميلك عالصرمة
عملتو للثورة كمين
سيبتونا لولاد الهرمـة
فين الحماية يا مجلس عار
... قرارتكو ولا حسبة برمـا
تعملي ازمة في البنزين
تخلعلي عين ولا الاتنين
وبرضو مش هنقول اسفين
ولا رحمة علي يوم من ايامه
كبيركوا دا ابن الهرمـة

عيد الثورة

رئيس وزارة علي المعاش  

وحكومة خيبتها دوليـة

والمجلس بيشخرم فينـا

 ومعاه الاخوان والسلفيـة 

 يسرق من جيبنا ويدينا

طنطاوي جتـه ألف رزيـة 

علي بابا بأفرول وباريــه

والعسكر شـلة حرميـة 

رويني ان كان ولا عنان

 فنجري عتمان كـله هفيـة 

 وتقولي ابايع وأؤيد 

كان شانبي يبقي علي وليـة

وعايزني اهني الشرطـة 

في عيد ثورتنا أول سنوية

 كوس امك كوس ام المجلس

كوس ام وزير الداخليـة

رئيس وزارة ..؟

رئيس وزارة ؟ .. طب هات أمارة 

مش الشطـارة تفطر في حارة 

اصل الشرف معدش يجي 

من صحن كشري وطبق بصارة

عروسة في الليلة الكبيرة

بيحركوك من ورا الستارة 

شوف كام وزير فرضوه عليك 

علي الرجــال يا ميت خسارة

واجهة

ربيلي دقنك ..حُك جبينك في السجادة ...!!
 تبقي زبيبة .. هاهاها
 وجهــة جميله عليها القيمة
 خبط لخبط قول لله
 عبط هبط شوفلك ظالم وامشي وراه
 يدبح يقتل قول دا ولينا
 احنا رعايا وهو حامينا
 سب براحتك في معارضينك
 هتلاقي جردل يدفع عنك
 لو ينتقدك ايها فينا .
 لو عملوكوا في يوم فزاعه
 قول دي اشاعه ايو اشاعه هي اشاعه
 نط بسرعه في اي اذاعه
 او فضائية واضرب ساعه
 مدح اشادة في جهود الوالي
 تخطف وده بكل براعه
 يملي جيوبك من خيراته
 هو عليه تنفيذ طلباتك وانت تقول له سمع وطاعـه
 . طب لو يحكم فينا علمـــاني او نصراني ؟
 ولع دقنك بالولاعه
http://www.facebook.com/ana.alsha3b

برواز في البلكونة

كان مرفوع ديمـا فوق راسنـا
 كان بالكيف او غصبٍ عنا
 بخـلقة امــه ياما قرفونــا
 شوفو مصيره في البلكونـة
 ويا الكراكيب المركونـة
 بس خسارة يا عيني بروازهـا
خساره في امـه ابن الملعونــة
 لو فكرنــا نبيـعه بصورتــه .. ؟!
مش هيجيبلنـا علبـة تونــة

اين انت يا ملثم

وحشني صوت الفرقــعة
ونور الشرار
وريني ياابني المجدعه
واديهم الانزار
وفجر الانبوبة
دا غازنا يا اهل الدار
رمضان داخل علينا
يوماتي يبقي دمار
مش ممكن منك ازعل
دا انا هعتبر ان هو
مدفع الافطار

عندمــا تأتي الميدان

عندمــا تأتي الميدان
لو كنت فقري
او حتي كنت من الاعيان
هتنسي همك ايا ما كان
هتقول خطابك وهسمعوك
ولا كأنك سامي عنان
طالب بحقك خليه يبان
وعلي صوتك
دا المسؤولين عندنا
من صفاتهم سد الودان

انا مش اسف يا ريس

حبة عيال عاملين فاهمين
مايعرفوش راس من رجلين
راجل سارقهم ويقولو امين
باع خير بلدنا وسابنا جعانين
هرب كنوزها وفتح حسابات بالملاين
واحنا نشقي ويطلع عنينا
ويقبضونا حبة ملاليم
قالو مليونية الصامتين
ما جبوش يا عيني حتي خمسين
راحو روكسي بعد اعتصام المهندسين
تغير عتب ولا انتو غاوين تخزو العين
خليكو جادلو في الباطل
ثورتنا عليها محافظين
ولو اعتصمتو ليوم الدين
والفاتحة علي روح المخلوع
وابقو اعملوله بارتي حزين
وقهوة دايت علي حياته
والبسو اسود او جرين
وابقو اعملوله معددين
وهتوله مقرء يقري ياسين

رسالة من شاب (اسف) بعد ما زهق

لمـا واحد من بتوع انا هـايف يا ريس زهق من مساندة مبارك وحس بقلة الحيلة وحب يكتب رسـاله لحسني هيقوله ايــه ؟
رسالة من شاب (اسف) بعد ما زهق

أنا تعـبــان من غيـــرك
وعاملها علي نفسي
باين عليك يا حبيبي
نــــاوي علي حبسي
منــك بقيت يا حبيبي
عنـــدي مرض نفسي
غيــــــرت علي شانك
شكلي ونظام لبسي
وعشان خاطر ظروفك
مشـــتني بالعكسي (الاخ ضد التيار)
كلمتـــــك انجليــــزي
وتـــــــركي ومالـــيزي
مهو يا انا بدن في مالطا
يا انت أكيـــد فارسي
حاسس بإني خلاص
عندك بقـــيت منسي
وبقـيــــت غربال قديم
وكمان ملـوش شـدة
سلمـــت في ثوانــي
وكأنـــــك شــوال ردة

براءة براءة براءة

حكمت محاكم شبرا البلد
باللي أتي يا ولد
واللي يعارض ينجلد
لو شعب مصر بأجمعه
عارض ....يبقي مفيش غير مصرعه
حكمت ببراءة نظيف
ورد الدعوة علي شعب مصر بالمصاريف
اتعاب محامي
ولب وسوداني
وبدل اقامة في البورتو بالين الياباني
يا لهوي يا اني
ايضا براءة دكتور سرور
ياشعب ناسه مهزئة
نوابكو ياما في حكمته
قالو المديح وكمان قالوها موافقة
والبراءة لعز الحديد
ومعاه كمان سيدكم رشيد
والشعب لازم يبوس اديهم من جديد
وتُرد ليهم كل الفلوس وكمان تزيد
كانو عملو ايه عشان ندينهم
غير انهم عملُكو بمعملة عبيد
وايه كمـان قول يا بعيد
براءة جمال ابن الرئيس
وبردو يرجع يكون وريث
اما حسني مقدرش اقول غير البراءة
وحبس كل مصري بتهمة الاساءة
मालिक manglhash

كلاكيت رابع مرة

بمناسبة ضرب انبوبة الغاز الممتدة من مصـر الي اسرائيل للمرة الرابعه علي التوالي
يا مفرقع الانبوبة
فرقع كمــان وكمان
صوت انفجارك ف قلبي
حاجز له ألف مكان
علي ودني بدخل بعزفه
ولا أجمل الالحـان
خلينـا نحكي كل يوم عنك
نقول دا كان يا مكان
متغبش عنــا كتيــر .
وحيات ابوك ما تنام .
كل ما يعيدو النشاط
اضرب وفرقع
لما يوصلو للاحباط
مش اسرائيل تإيد بغازنا
وأن رحت اغير انبوبتنا
يقولولي روح حدانا أزمة
طب امي تطبخ علي الكانون ولا الباجور
ولا خلاص
الاكـل عندنا ملهوش لازمة ؟

سؤال فضولي

بقالي كتير مكتبتش في المدونة لكن هحــاول انزل اللي كتبته الفتره اللي فاتت علي الورق
هبدأ بالتخريفة دي كتبتها بعد قضية خالد سعيد الله يرحمه


تخص ميــن الجثة ديا
دا اللي مات علي الصليب
ولا واحد مالعبيد
دا شهيد فك الحصار
ولا ضربه سلاح دمار
اما حشري يلا غور وروح بعيد
مصري فقري واتقتل إيـه الجديد
حطو في إديه الحديد
طب هو مصري
ربه ابتلاه بدي جنسية
زنبه ايه
يا جحش انت مش دي القضية
دا كان بتاجر في الممنوعات
كان معاه طنيـن حشيش
غير زكيبة مكيفات
رحلولي جثته عالجنايات
طب دا مــات
واحنا مالنا
حقنا ومفيش سكات
حق الحكومة عمره في مره
بره ما بات
يلا بروح امك من هنـا
يلعن ابو حقوق الانسان
وكل اللي نادو بالحريات
خلو بهايم زيكو يتكلمو ويعملو حوارات
وفي ثواني اتشكلت هيئة قضاء
ومفيش مداولة ولا تأجيلات
حكمت بإجماع الاراء
بإنه جاني ـ وعمل في نفسه تشوهات
وكمان دا غرق عبرات
والحكم منطوقه اللي آت
هو خلاص خد جزاؤه وراح ومات
يبقي نشوه سمعته
ونقول خمورجي وبتاع بارات
رديت عليهم
مش جريمة
مش الحكومة هي اللي فتحت خمرات
وادت رخص للرقصات
رد قالي خد تعالي يابن كل الحيوانات
وخبطني حكم نافذ بالمؤبد
طب زنبي ايييييه
قالي بلماضتك عطلت سير التحقيقات
وان قلت تاني لا وليه
هتحصل الاخ اللي مات
تعرف جنابك
لو يقوم من رقدته
هيسب ام اللي جابك
ويقول حكومة بكابورتات
اتفو علي دي بلد
دا انا سعادتي في الممات